Kukol’ en la nest’ sur morusarbo
sep siajn idojn zorge vartas pene.
Reganto bonkondutas al la plebo
kaj traktas ilin bone kaj konvene.
Se vere traktas ilin ja egale,
li sidas firme sur la tron’ senĝene.

Kukolo nestas sur la morusarbo,
inter prunarboj l’ idoj flugas fole.
Reganto devas esti grandanima,
silka zono lia blankas kolore.
Se lia zono blankas en koloro,
lia feltĉap’ sin montras riĉa glore.

Kukolo nestas sur la morusarbo,
en veproj l’ idoj flugas kun leĝero.
Reganto devas bonkonduti prave
kaj fari veran bonon kun prefero.
Se li volontas fari bonon vere,
li staras kiel regna la modelo.

Kukolo nestas sur la morusarbo,
inter kverkoj la idoj flugas lude.
Reganto l’ ideala agas dece
kaj traktas popolanojn ja malkrude.
Se li kondutas dece kaj konvene,
li vivu milmil jarojn sendispute!

elĉinigis Vejdo