Fiŝ-reto
Kanto por reteni gaston.

En fiŝreto kun etaj maŝoj
kaptiĝas bramoj, trutoj freŝaj.
Jen vidu tiun grandsinjoron
en broditaj vestaĵoj riĉaj.

Cigno flugas laŭ sabla bordo,
kie ripozos nia lordo?
Loĝu ĉe ni laŭ nia kor’, do.

Cigno flugas laŭ la rivero,
Vi ne plu venos al ĉi tero,
Loĝu ĉe ni, do, kun prefero.

Restigi volu vian veston
ne foriru nia lordo, nu,
mi ne dronu ja en tristflu’!

elĉinigis Vejdo