2. ĉar hunoj agas obsede.
*hunoj 匈奴人；野蛮人 obsede 困扰地，纠缠地，心神不宁地

3. pluvo falas en pelmelo.
*pelmelo = mikskonfuzo 纷乱，混乱，杂乱，乱七八糟

Hejmveo
Lamento de hejmveanta soldato.

Ni kolektas ŝosojn verdajn
aperantajn en prospero.
Kial hejmeniri ne nun
kiam pasas jar’ en ŝtelo?
Mi ne havas familion,
ĉar mi luktas kontraŭ hunoj.
Mi ne havas tempon dormi,
ĉar mi luktas kontraŭ hunoj.

Ni kolektas ŝosojn verdajn
aperantajn en abundo.
Kial hejmeniri ne nun
kiam tristas la korfundo?
Nun mi brulas de ĉagreno,
mi soifas en malsato.
Vagas mi sen ripozejo,
kiu konas mian staton?

Ni kolektas ŝosojn verdajn
kiuj kreskas fortaj, duraj.
Kial hejmeniri ne nun
kiam oktobras nebula?
La milito ne finiĝas,
mi ne povas resti kalma.
Venas neniu konsoli,
ĉagreniĝas mi ja larma.

Kiel floroj de prunarbo
belas, kreskas en prospero!
Kiel fortas kaj imponas
militĉaroj kun fiero!
Kuras sur la voj’ la ĉaroj,
kaj galopas kvar ĉevaloj.
Ni ne povas fikse loĝi
kaj moviĝas je signaloj.

Tirata de kvar ĉevaloj
militĉaro knaras brue.
Lordo nia sidas sur ĝi,
ni soldatoj sekvas flue.
Kvar ĉevaloj henas laŭte,
portas ni armilojn prete.
Ni nin gardas ĉiutage,
ĉar hunoj agas obsede.

Kiam mi forlasis hejmon,
poploj flirtis en ventpelo.
Nun mi hejmeniras ĝoje,
pluvo falas en pelmelo.
Mi min trenas malrapide
spite suferon sur vojo.
min atakas ĉagreniĝo,
supervenkas min malĝojo.

elĉinigis Vejdo