*第3段，solas dronas？

Surmonte la filikoj vaste kuŝas,
vegetas liĉiberoj en la valo.
Ho ve, mi verkas tiun ĉi kanzonon
por konsoli la koron en amaro.

*filiko：蕨菜
*kanzono：抒情诗/歌

Lamentado de ekzilito
Palaca oficisto plendas pri sia ekzilo pro kaptiteco en la komploto.

La kvara lunmonato eksomeras,
en la sesa venas la varma vetero.
Prapatroj ne ’stas homoj la bonkoraj,
eĉ ili min dronigas en sufero.

Aŭtune frida vent’ ululas triste,
cent floroj velke falas al la tero.
Disiĝas ĉiuj homoj en tumulto,
kie, do, estas ilia loĝa sfero?

En vintro blovas furioze l’ vento
minace penetranta en severo.
Jen oni vivas ĝoje kaj kontente,
kial mi solas dronas en sufero?

Surmonte pompe kreskas bonaj arboj:
kaŝtanarboj kaj umeoj intere.
Nun ili velkas kaj foriĝas branĉoj,
kiu vundas ilin tiom kruele?

La akvo fluas el tiu montfonto
jen klare jen malklare en vario.
Mi en solec’ eltenas la suferon,
kiam mi vivos pace sen anksio?

Riveroj jen torentas kun ondpelo
kaj prenas la sudlandon en brakumo.
Plenumas mi la taskon ja perfekte,
kial la reĝ’ ne traktas min sen puno?

Surmonte la filikoj vaste kuŝas,
vegetas liĉiberoj en la valo.
Ho ve, mi verkas tiun ĉi kanzonon
por konsoli la koron en amaro.
elĉinigis Vejdo