Kultado plenumiĝis tre perferkte,
*perferkte 笔误。应该是perfekte？

La Suda Monto sin etendas onde,
ĉi tie kuŝas la plata tereno.
Sur la bonordigita ebenaĵo
la posteuloj plugas ja sen ĝeno.
Ni elhakadas virgan teron tie
kaj plivastiĝas nun nia bieno.

Sur la ĉiel’ amasas grizaj nuboj,
neĝeroj dance flirtas kun leĝero
en la pluveto senĉese falanta.
Pluvakvon sorbas la kampara sfero,
humida grundo taŭgas por kreskado
de grenplantoj en agrabla vetero.

Sur la fekundaj kampoj en bonordo
milio, sorgo kreskas en prospero.
Pranepoj enkolektas grenon bone
por fari vinon preta por ofero
kaj ĝin dediĉi al spiritoj sanktaj
kiuj avataras el la ĉielo.

Meze de kampoj staras pajla ĥato,
plantitas kalabasoj en vicaro.
Pranepoj senŝeligas ilin pure
kaj peklas ilin por prapatroj.
Tiel ili ricevos benojn gracajn
kaj sin mem feliĉigos dum mil jaroj.

Surtablen klaran vinon oni metas,
kaj bovo oferitas sur l’ altaro,
por la prapatroj sur la ĉielo.
Per la tranĉilo jen kun luma palo
distranĉas ni la felon kaj elprenas
grason kaj sangon de la animalo.

Oferas ni manĝaĵojn, klaran vinon
al la prapatroj karaj kun sincero.
Kultado plenumiĝis tre perferkte,
ĝin ili laŭdas vere kun prefero.
Repagos ili al ni multajn benojn
kaj la longlongan vivon sen sufero.
elĉinigis Vejdo