Nobla lordo
Laŭdo al la lordo, kiu kondutas dece kun saĝeco.

Floroj bunte pompas en splendo,
folioj densas en prospero.
Kun la lordo en mia vido
mi plezuriĝas en ĝojhelo.
Mi plezuriĝas en ĝojhelo,
ĉar li kondutas kun sincero.

Floroj bunte pompas en splendo,
petaloj flavas en sunbrilo.
Kun la lordo en mia vido
mi sentas ĝojon en jubilo.
Mi sentas ĝojon en jubilo,
ĉar li kondutas kun ĝentilo.

Floroj bunte pompas en splendo,
blankaj kaj flavaj en muaro.
Mi vidas tiun noblan lordon
veturi per ĉevala ĉaro,
veturi per ĉevala ĉaro,
li tiras bridojn de ĉevalo.

De live venas helpo al li,
li takte traktas kun talento,
kaj de dekstre venas asisto,
li agas ja kun diligento.
Ĉar li havas veran kapablon,
li regas kun inteligento.

elĉinigis Vejdo