La palaca bankedo
Reganto regalas siajn amikojn kaj parencojn en la palaco.

Por kio lordoj portas peltan ĉapon
el bela cerva fel’ en ĉi okazo?
Jen via vino puras kaj dolĉetas,
manĝaĵoj viaj bongustas en vazo.
Neniu gasto ’stas en la bankedo,
krom fratoj kaj parencoj en intimo.
Lianoj kaj grimpplantoj ja vegetas
volvante ĉirkaŭ cipreso kaj pino.
Ne vidas mi la respektplenan lordon,
mi naskas ĉagreniĝon en la koro.
Kiam mi vidas lin en homamaso,
mi grade plezuriĝas kun adoro.

Por kio lordoj portas peltan ĉapon
el bela cerva fel’ en ĉi bankedo?
Ni venas drinki vian bonan vinon
kaj bongustajn frandaĵojn jam en preto.
Neniu gasto ’stas en la bankedo,
Jam ĉiuj fratoj venas por orgio.
Lianoj kaj grimpplantoj ja vegetas
volvante ĉirkaŭ pin’ en harmonio.
Ne vidas mi la elegantan lordon,
mi afliktiĝas triste kun anksio.
Kiam mi vidas lin en ĉeestantoj,
mi ekĝojegas ja kun simpatio..

Por kio lordoj portas peltan ĉapon
el bela cerva felo en ĉi horo?
Ni vian bonan vinon venas drinki
kaj bongustaĵojn al nia honoro.
Troviĝas ne fremdulo en festeno,
krom fratoj kaj parencoj en la halo.
Similas ni al pluv’ aŭ neĝo flirta,
finfine ni disiĝos en separo.
Alvenos certe l’ morto iutage,
ne multos la tagoj de rekuniĝo.
Ni drinku kiel eble ja plej multe
ĉi-nokte jen ĝis ebria vertiĝo.
elĉinigis Vejdo