Maljusta tirano
Lordo satiras pri la suvereno, kiu kaprice agas.

Folioj de saliko ombre densas,
kiu ne volus resti sub ĝi vere?
La suvereno agas tre kaprice,
ne intimiĝu kun li tre modere.
Li volis, ke mi lin asistu regi,
sed, ve, nun li mortigas min prefere.

Salikfolioj donas densan ombron,
nepre ne ŝirmu vin sub ĝi libere.
La suvereno agas tre arbitre,
ne alproksimiĝu al li leĝere.
Li ordonis, ke mi lin helpu regi,
sed nun li min molestas tre severe..

Flugilojn svingas birdoj kun pepado.
ĉe l’ horizonto de alta ĉielo.
La suvereno kun dezir’ senlima
min forpuŝas ĝis ekstrema malhelo.
Kial li min ordonis helpi regi,
sed nun li premas min jen al mizero?
elĉinigis Vejdo