Homo de l’ ĉefurb’ malnova
Post la tumulto de la regno, lordoj sopiras al homoj de la malnova ĉefurbo.

Homo de l’ ĉefurb’ malnova
vestas sin en flavo brila.
Li kondutas decregule
kaj sin montras tre ĝentila.
En malnova la ĉefurbo
al li iras laŭdo mira.

Homo de l’ ĉefurb’ malnova
portas la ĉapon el pajlo.
Tiu nobla belulino
pavas kun nigra hararo.
Se mi ŝin ne vidus longe,
mi ja dronus en amaro.

Homo de l’ ĉefurb’ malnova
portas jadon ĉe l’ orelo.
Tiu nobla belulino
bonkodutas sen leĝero.
Se mi ŝin ne vidus longe,
min ja trafus amsufero.

Homoj de l’ ĉefurb’ malnova
portas silkrubandon fale.
Tiu nobla belulino
jen allogas buklo-hare .
Ĉar mi ŝin ne vidus longe,
volus ŝin mi ĉei stare.

Lia silkrubando bone
sidas jen sur robo lia.
Ŝia buklo alt-turnita
flirtas en vento defia.
Se mi ŝin ne vidus longe,
kaptus min sopir’ pasia.
elĉinigis Vejdo