Atendo al lia reveno
Edzino sopiras al sia edzo, kiam la tago de lia reveno estas prokrastita.

Mi plukas la reĝ-herbojn dum mateno,
sed ili kolektiĝas en manpleno.
Hararo mia gluiĝas malpure,
mi volas lavi ĝin hejmenveture.

Mi plukas indig-plantojn dum mateno,
sed ili pokas nur en tukoteno.
Li post kvin tagoj hejmen ne revenas,
je l’ sesa lia nereveno ĝenas.

Se iras ĉasi li en la arbaro,
sagujon mi ordigas en preparo.
Se li fiŝadi iras ĉe l’ rivero,
pretigas mi la reton kun prefero.

Kiajn fiŝojn li kaptas per la reto?
Bramojn kaj karpojn el akva kvieto.
Bramojn kaj karpojn el akva kvieto
li ne enuas kapti per la reto.
elĉinigis Vejdo