Reveno post konstruado
Laŭdo pri sukcesa finkonstruado de la lordo Mu.

Grenplantoj kreskas en prospero
sub pluv’ subtila el ĉielo.
Ni suden marŝas sur la vojo,
la lord’ nin spronas kun sincero.

Ni puŝas ĉarojn kun penego
kaj tiras bovojn per vip-pelo.
Jam mia konstruad’ finiĝis,
ni hejmeniras kun ĝoj-ŝvelo.

Ni piediras aŭ veturas
en tute ĝoja atmosfero.
Jam nia konstruad’ finiĝis,
ni hejmeniras en sunhelo.

La turo de Xie staras firme,
dank’ al la lorda sinofero.
Ni marŝas orde kaj impone,
li gvidas nin ja kun fiero.

La basa loko jam leviĝas,
fontakvo lirlas en leĝero.
La lordo finis jam la vorkon,
la reĝo ĝojas en korĉelo.
elĉinigis Vejdo