Morusarbo
Junulino esprimas sian amsenton al sia karulo.

Morusarbo staras en la valo
kun folioj densaj en prospero.
Kiam mi vin vidas, mia kara,
mia koro plenas je ĝoj-helo.

Morusarbo staras en la valo
kun folioj densaj en abundo.
Kiam mi vin vidas, mia kara,
la ĝojsento svarmas al korfundo.

Morusarbo staras en la valo
kun folioj en verda koloro.
Kiam mi vin vidas, mia kara,
vi aspektas virte en favoro.

Mi lin amas kaŝe en la koro,
kial ne al li eldiri klare?
Kovas mi la senton ja interne,
kaj mi kaŝas ĝin ĝis amdeklare.
elĉinigis Vejdo