Malfacila vojiro
Malsuperulo plendas pri malfaciloj dum la vojo.

Birdeto kun lanugo mola
nestas sur la monta deklivo.
Sur longa vojo piediras
mi malfacile kun soifo.
Mi nutras kaj trinkigas ĝin, kaj
instruas ĝin konduti pene.
Mi volas, ke la posta ĉaro
ĝin portas pace kaj solene.

Birdeto kun lanugo mola
nestas en la monta angulo.
Ĉu mi timas longan vojiron?
Mi timas tardon dum veturo.
Mi nutras kaj trinkigas ĝin, kaj
instruas ĝin konduti bone.
Mi volas, ke la posta ĉaro
ĝin portas pace kaj impone.

Birdeto kun lanugo mola
nestas en la monta talio.
Ĉu mi timas longan vojiron?
Mi timas tardon kun anksio.
Mi nutras kaj trinkigas ĝin, kaj
instruas ĝin konduti brile.
Mi volas, ke la posta ĉaro
ĝin portas pace kaj trankvile.
elĉinigis Vejdo