Ekspedicio eosten
Soldatoj en ekspedicio plendas pri malfacila vojirado.

Impone montaj rokoj staras,
skrapante nubojn sur ĉielo.
Montpintoj altas, akvo foras,
nin ĝenas dure la voj-tero.
En ekspedicio eosten
soldatoj dronas en sufero.

Impone montaj rokoj staras,
tuŝante nubojn de leĝero.
Montpintoj altas, akvo foras,
nin hardas vojira severo.
En ekspedicio eosten
soldatoj veas en mizero.

Porkidoj jen kun blankaj hufoj
riveron vadas en konkuro.
La lun’ moviĝas en nebulon,
jen pluvas kiel akvokuro.
En ekspedicio eosten
soldatoj plendas kun murmuro.
elĉinigis Vejdo