Tri regnestroj de Zhou-dinastio
Oni diras, ke, helpate de la Ĉielo, Regenestro Wen kaj Regnestro Wu sukcesis en sia regado.

De alte la Ĉiel’ rigardas suben,
sur tero brilas glor’ de l’ suvereno.
La Providenc’ kapricas nekredeble,
tre malfacilas regi per povpleno.
Yin-Shang dominis la potencan regnon ,
sed fine ĉio falis en forsveno.

Princino Ren, devenanta de Yin-Shang,
edziniĝis al Zhou-regno en foro,
kaj loĝis en ĉefurbo de la lando
kiel edzin’ de Reĝo Ji kun gloro.
Ŝi faris multajn bonojn en la regno,
renomo ŝia flugis kun honoro.

Nelonge poste ŝi jen gravediĝis
kaj naskis filon Wen por reĝa trono.
Kiam li surtroniĝis kiel reĝo,
li montris diskretecon kun impono.
Li konstante sekvis la Providencon,
kaj benojn li rikoltis el Ĉielo.
Li sekvis decregulojn vere strikte,
plebanoj lin respektis kun sincero.

La Ĉielo konis la homan mondon,
Wen enkorpigis volon de l’ Ĉielo.
Dum lia eka tempo de regado,
dotis al li Di’ edzinon kun belo.
Ŝi devenis de riĉa familio
loĝanta fore trans la Wei-rivero.

La nupton Wen preparis en ekstazo
por edzinigi ŝin jen kun soleno.
Ŝi belis kiel ĉiela feino,
unika en la mondo kun ĉarmpleno.
Elektis li la bonaŭguran tagon,
li ŝin renkontis ĉe la Wei-rivero.
Sur pont’ ĉenita per ŝipoj sur akvo
li ŝin akceptis kore kun sincero.

Ordono venis jen el la ĉielo,
ke surtroniĝu li en la Zhou-ŝtato.
Establis li ĉefurbon de la regno,
kaj edzinigis Xin laŭ ŝia ŝato.
Kvankam la unua naskito mortis,
ŝi naskis bebon Wu por reg’ futura.
Lin benis Dio en ekspedicio,
por venki en batalo aventura.

Armeo de Shang-regn’ defendis brave,
la flagoj flirtis kvazaŭ la arbaro.
La Regnestro Wu ĵuris al la trupoj:.
“Ni estas bravaj trupoj sen komparo.
Nin benas Dio alte sur ĉielo,
ni efektive gajnos en batalo!”

La batalejo vastas kaj ebenas,
santalaj ĉaroj sturmas en konkuro,
galopas la ĉevaloj al rivaloj
sub saĝa komandado de stimulo.
La komandanto Jiang, sagaculo,
asistis Regneston Wu en milito.
Li venkis ĉiujn regnojn ja komplete,
la mondo kalmis pro lia merito.
elĉinigis Vejdo