Bonvirtoj daŭras
Odo laŭdanta pri la bonvirtoj de Reĝo Wen, liaj avino Jiang, patrino Ren kaj edzino Si.

Ren kondutas elegante,
la patrin’ de l’ suvereno.
Jiang afabla kun tenero
loĝas en ĉefurb-tereno.
Si, modelo de bonvirtoj,
naskis princidojn kun peno.

Wen respektas la prapatrojn.
la spiritoj ĝojas kore,
kaj ne tristas kun doloro.
Li l’ edzinon traktas mole,
same al parencoj, fratoj,
kaj l’ regnon regas rigore.

En palaco li afablas,
en rito li agas dece.
Lin protektas la spirito,
li vivĝuas sekurece.

Ne barbaroj nun invadas,
nek plebanojn trafas plago.
Li akceptas bonajn pensojn,
ankaŭ vortojn de atako.

Plenkreskuloj nun bonvirtas,
la infanoj bonkondutas.
Sub regado de l’ Reĝo Wen
talentuloj jam debutas.
elĉinigis Vejdo