Ebriiĝo en drinkado
Festenado post kulto.

Ebriiĝas ni de dolĉa vino,
vi gastama montras vin sincere.
Ni deziras al vi longan vivon
kaj feliĉojn ĝuos vi espere.

Ebriiĝas ni de bona vino,
viaj pladoj ’stas bongustaj vere.
Ni deziras al vi longan vivon,
kaj vi vivos komforte brilhele.

Via perspektivo vere belas,
pro saĝeco via lume brila.
Bona ek’ al bona fino iras,
aŭskultu al dia vort’ konsila.

Kion Dio voĉe diris al vi?
L’oferaĵoj taŭgas por satĝuo.
L’ amikaro helpas en kultado,
Rito estas solena kontribuo.

La kultado iras senerare,
vi vin montras sindonema pie.
Pro senlima pia sindonemo,
La Ĉielo benas vin magie.

Kio estas la ĉielaj benoj?
Paco kaj trankvil’ en familio.
Ni deziras al vi longan vivon,
viaj benoj iras en serio.

Kio estas benoj el Ĉielo?
Vi feliĉe sidas sur la trono.
Ni deziras al vi longan vivon,
kaj vi havos idojn sub dispono.

Kion dotas al vi la Ĉielo?
Grupo da gefiloj kaj edzinoj.
Grupo da edzinoj kaj gefiloj
vin ĉirkaŭas strikte en intimo.
elĉinigis Vejdo