Spiritoj de prapatroj
Kanto ĉantata en kultado al prapatroj.

Akvbirdoj kolektiĝas ĉe rivero,
spiritoj avataras al festeno.
Alportas vi la klaran, freŝan vinon
kaj frandaĵojn je ilia alveno.
Jam ili manĝas, drinkas ĝis kontento,
vin feliĉigas ili jen per beno.

Akvbirdoj staras sur la sabla benko,
spiritoj venas al festen’ plezure.
Tre multas via vino bonodora
kaj la frandaĵoj bongustaj terure.
Jam ili manĝas, drinkas ĝis kontento,
feliĉoj kuras al vi ja konkure.

Akvbirdoj kolektiĝas sur l’ insulo,
spiritoj venas al festen’ kontente.
Alkoholaĵo via estas klara,
viandaj pladoj bongustas plen-tente.
Jam ili manĝas, drinkas ĝis kontento,
benoj iras al vi ĉiumomente.

Akvbirdoj nestas ĉe akv-kunfluejo,
spiritoj venas al festen’ ĝojplene.
Okazas la festeno en la templo,
Ĉielo feliĉigas ilin bene.
Jam ili manĝas, drinkas ĝis kontento,
senĉesaj benoj iras al vi ĉene.

Akvbirdoj sidas sur la river-gorĝo,
spiritoj jam ebrias ĉe l’ festeno.
Aromo vina ŝvebas en la halo,
odor’ vianda restas jen sen sveno.
Jam ili manĝas, drinkas ĝis kontento,
neniam venos plagoj de veneno.
elĉinigis Vejdo