Nian reĝon tre ŝatas la Ĉielo,
li ja renomas kun bonvirta brilo,
amas li la plebanojn kaj subulojn.
Li plenĝuas benojn jen kun facilo,
Lin la Ĉielo helpas kaj subtenas,
dotas al li la tronon en stabilo.

Li posedas mil feliĉojn kaj benojn,
kaj gefiloj, genepoj en dekmiloj.
Li, kun majesto kaj impono, taŭgas
reĝi super la regno en trankvilo.
Neriproĉebla kaj devokonscia,
li sekvas decregulojn kun humilo.

Li, belaspekta kun digneco alta,
kondutas sen kaprica maniero.
Li kovas nek rankoron nek malamon,
konsultas li subulojn sen fiero.
Beate de l’ Ĉielo benodona,
modelo li ’stas tra la tuta tero.

Kiel modelo por aliaj regnoj,
li rikoltas laŭdojn de amikaro.
Starigas ĉiuj la dikfingron jese,
kaj amas nian reĝon kun lojalo.
plenumas li la devon por la regno,
plebanoj kuniĝas en solidaro.
elĉinigis Vejdo