Ĉerpi riverakvon el la foro
Kanto laŭdanta lordon, kiu zorgis pri la plebanoj.

Ĉerpinte riverakvon el la foro,
ĝin en akvujojn verŝas oni pene
por manĝon prepari per ĝi laŭ volo.
La lordo devas montri sin degnema
kaj grandanime zorgi pri l’ popolo.

Ĉerpinte riverakvon el la foro,
ĝin en akvujojn verŝas oni pene
por lavi oferpelvojn kun fervoro.
La lordo devas montri sin zorgema,
kaj l’ popolo obeas kun favoro.

Ĉerpinte riverakvon el la foro,
ĝin en akvujojn verŝas oni pene
por ŝvabra kaj puriga la laboro.
La lordo devas ’sti akordiĝema,
plebanoj dankas lin ja per la koro.
elĉinigis Vejdo