Brava Duko Mu
La odo prikantas Dukon Mu pri ties subigo de ribelo de la sudaj triboj.

Torentas onde la rivero,
antaŭen marŝas la armeo.
Por nek plezuro nek vojaĝo,
sed por ribelanta pereo.
Jam mia ĉaro prete iras,
militflagoj flirtas leĝere.
Sen ajna forta malstreĉeco
mi celas batali konkere.

Torentas fluoj de l’ rivero,
ekiras trupoj en vicaro.
Por batali de lok’ al loko
por reĝ’ mi agas kun lojalo.
Jam la ribel’ ’stas subigita,
la regn’ sin trovas en trankvilo.
Milito ne plu portas ĝenon,
la reĝo vivas laŭ deziro.

Ĉe kunfluej’ de du riveroj,
la reĝ’ordonis kun fidemo
al Zhao Hu: “Plivastigu plue
nian teron ja ĝis ekstremo.
Ne ĝenu nek perfortu l’ plebon,
starigu modelon de l’ regno.
Determinu agron kaj limon
ĝis Ĉina Maro jen kun peno.”

La reĝo ordonis al Zhao Hu
dum inspektad’ al suda limo:
“Kiam Wen kaj Wu reĝis, viaj
prapatroj helpis en domino.
Kvankam vi estas juna viro,
imitu ilin en spirito.
Klopodu jen kun energio,
atendos vin granda merito.

“Mi donas tason de jad’ al vi
kaj pokalon da mili-vin’
jen por gepatrojn viajn kulti.
Mi rekompecos per tero vin.
Nun servu kiel la prapatroj
min strikte sekvu kun fidelo.”
Li riverencas kaj deziras:
“Longe vivu kiel ĉielo!”

Li riverencas kaj prilaŭdas
la reĝajn virtojn kun sincero.
Komponas mi ĉi odon pri li,
pri l’ reĝ’ kun vivo de l’ ĉielo.
La reĝo famas pro bonvirtoj,
la regno daŭros en prospero.
Li ja praktikas virtan regon
kaj regnoj pacas sen mizero.
elĉinigis Vejdo