Prilaŭdo al Reĝoj Cheng kaj Kang
Himno pri meritoj de Reĝoj Cheng kaj Kang.

Reĝo Wu konkeris la perfortaĵojn,
li faris la meritojn sen komparo.
Reĝoj Cheng kaj Kang ja rikoltas
laŭdegojn de l’ Ĉielo sen avaro.
Reĝoj Cheng kaj Kang firme regas mondon
unuigitan kun radia gloro.
Kia regado saĝa sin prezentas!
Tamburoj sonas verve kun fervoro,
muziko de flutado ŝvebas flirte,
vin la Ĉielo ŝutas per cent benoj.
Feliĉoj viaj multas kiel maro,
okazas ritoj, kultoj en soleno.
Post manĝado kaj drinkad’ la spiritoj
nin plue multe benas kun ĝojpleno
elĉinigis Vejdo