Blindaj muzikistoj
Himno pri templa muziko.

Ho, blindaj muzikistoj, venu,
tuj venu al la templa korto.
Jam pretas la tamburaj bretoj
kaj plum-garnaĵoj en bonordo.
Tamburoj etaj, egaj pendas,
kaj ŝton-soniloj vice staras.
La muzikiloj ekas ludi,
muziko ŝvebe jen spiralas,
kaj ĝi ĉirkaŭflugas tre lante
de loko al loko kun folo.
Prapatroj kaj spiritoj satĝuas,
la gastoj venas kun favoro
muzikon aŭdi en ĉi horo.
elĉinigis Vejdo