Kultado al Reĝo Wen
Himno ĉantata en kultado al Reĝo Wen far Reĝo Wu.

Ni venas kulti kun aplombo,
en templ’ ni staras en soleno.
Feŭdestroj, princoj ambaŭflankas,
gravmienas la suvereno.
Mi jen prezentas bovon grasan,
aranĝas kulton en ĝardeno.
La reĝo-patro saĝa, granda
min feliĉigu ja per beno.

Vin ni adoras respektplene,
vi spertis en milit’ kaj paco.
Deziru al la regn’ prosperon,
nin homojn benu jen per graco.
Min benu per la longviveco,
riĉecon donu al palaco.
Descendu, paĉj’ kaj panjo karaj,
por satĝui en nia spaco.
elĉinigis Vejdo