Kultado ĉe surtroniĝo
Reĝo Cheng, ĉe surtroniĝo, kultis Reĝon Wu.

Unuafoje l’ lordoj vidas Reĝon,
la reglamenton ili de li petas.
Drak-flagoj flirtas brile en ventpelo,
tintiloj sur la ĉaroj sonojn ĵetas.
La oraj bridoj brilas en lukseco,
kaj ornamaĵoj glimas en sunlumo.
Li gvidas ilin al la tomb’ de Reĝ’ Wu,
oferi manĝaĵojn en incensfumo,
preĝante por longlonga homa vivo,
kaj por ĉiamaj sano kaj bonfarto.
Ĉielo benu nin per mil feliĉoj,
kaj per sekura viv’ sub ĝia gardo.
Spiritoj donu al ni ja favorojn,
kaj donu al mi multajn brilajn horojn.
elĉinigis Vejdo