Inspekto al festeno post kultado
Reĝo Cheng inspektis la festenon post kultado.

En silka vesto de blanka koloro
kaj felta ĉapo kun solen-mieno,
kultantoj iras laŭ templ-koridoro,
observas oferaĵojn bovan, ŝafan,
tripiedajn ujojn por alkoholo,
la kurbajn kornojn de la rinocero
por teni vinon de dolĉa likvoro.
Aŭdiĝas nek ĝojkrio nek voĉbruo,
ni ĝuas benojn laŭ ĉiela volo.
elĉinigis Vejdo