Ho, prapatroj gloraj niaj,
benu nin jen per feliĉo
multa kiel eble pleje
por la tuta regna riĉo.
Klara vino estas por vi,
donu pacon al la lando.
Kaj la supo kun bongusto
oferiĝas al vi bando.
Ni silente preĝu al vi
sen voĉbruo kaj sen krio.
Ho, nin benu vivi longe
per feliĉ’ kaj harmonio.
Iras ĉaroj kun ornamoj,
tintas sonoriloj bele.
Ni oferon faras al vi,
ke la lando grandas ŝvele.
Donu al ni pacan vivon,
riĉrikolton de la greno.
Vi descendu por satĝuo,
donu bonojn jen en ĉeno.
En kultadoj ni preĝadas,
ni ja vivas sen ĉagreno.
elĉinigis Vejdo