La reĝo de Shang saĝas kun prudento
sub patronado ĉiam de l’ Ĉielo.
Diluvon la praan en antikveco
lordon Yu li helpis bari al tero.
Vastigis li l’ teritorion pene,
la spac’fariĝis larĝa sen mezuro.
Tribo Rong ege pligrandiĝis kaj Yu
generis la kronprincon kun plezuro.

La princo Qi eksidis sur la trono,
aneksis ne nur etajn regnojn saĝe
sed ankaŭ grandajn ŝtatojn per potenco.
li faris ĉion por la regn’ kuraĝe,
inspektis tiujn regnojn kun ĝentilo.
Xiang Tu do sukcedis lin kaj severe
regi super vasalaj regnoj etaj,
neniu kontraŭstaris malfidele.
Al Reĝ’ Cheng iris la potenco poste,
li bonkondutis kun konsideremo,
liaj virtoj montras sin okulfrapaj,
li preĝis al Ĉiel’ kun piec-pleno.
La Dio lin patronis per favoro,
naŭ sferojn li regadis jam sen ĝeno.

Observis lin ĉielajn leĝojn bone,
starigis li modelon por la mondo.
Ĉielo ame benis lin patrone,
li ne tiranis nek malpaciencis,
li ĉiam agas takte tre bontone.
Regado lia estis tolerema,
feliĉoj meme venis senpropone.

Akceptis li vasalojn kun prefero,
la regnoj sidis sub egido lia.
Dank’ al favora zorgo de l’ Ĉielo
li montris sian bravon kaj genion.
Lin skuis nek paniko nek ŝancelo,
li sentis nek timegon nek konfuzon,
ĉe li feliĉoj multas en prospero.

Post plena konkerado de Xia, sceptron
li tenis en la mano kun majesto.
Kiel ardanta fajro li alvenis
ne malamikoj voĉis kun kontesto.
Bambuoj povas eligi tri ŝosojn,
ne licis por ĝi kreski en prospero.
Se la naŭ sferoj iros al Shang-regno,
ekstermu rivalojn sur Wei-Gu-tero,
kaj forigu Kun Wu, Xia per konkero.

Kiam Reĝo Tang regis sur la regno,
la land’ potencis super fremdaj ŝtatoj.
Reĝo Tang, patronata de l’ Ĉielo,
lin helpis la ministroj kvazaŭ fratoj.
Asistas Ĉefministro A Heng pene
la reĝon jen per sinceraj persvadoj.
elĉinigis Vejdo