L’ armeo de Yin kun kuraĝo
jen militiras sur Chu-tero,
penetras profunden sukcese
kaj venkas fine per konkero.
venkon post venko akiritas,
la trupoj gloras kun fiero.

La reĝ’ ordonis al tribo Chu:
“Vi staras sude de ni vere.
Dum la regperiodo de Tang,
eĉ triboj de Qiang malfidele
aŭdacis ne tributi al ni.
nek omaĝi al ni fiere,
do vi obeu jen prefere.”

Ordono venis la Ĉielo:
ĉefurbojn fondi en Yu-sfero,
tributi jare kun prefero;
ne punu ni administrantojn,
prizorgu grenon sur la tero.

Ĉielo gvatas mondon suban,
kondutu l’ plebo ja sincere.
Ne agu ekster decreguloj,
nek lasu kampojn vakaj vere.
La reĝ’ postulas al vasaloj
feliĉojn krei jen prospere.

Ĉefurbo nia pompas ege,
ĝi estas modelo kun brilo.
La reĝo famas tra la mondo,
lin trafas jen varma jubilo.
Li ĉiam ĝuu bonan sanon,
la idoj vivu kun trankvilo.

Sur alta monto en prospero
cipresoj kreskas ja impone.
Ni dehakas ilin al tero,
preparas ilin por lignpecoj.
Kun longaj traboj jen de belo
kaj dikaj lign-kolonoj pinaj,
la templo splendas kun glorŝvelo!
elĉinigis Vejdo